अष्ट्रेलिया निवासी पत्रकार पौडेलद्वारा ५२ विद्यार्थीलाई अध्ययन सामग्री वितरण

सिड्नी   ।  भरतपुर महानगरपालिका–६ स्थित श्री माध्यमिक विद्यालय इन्द्रपुरीका आर्थिक रूपमा कमजोर तर मेधावी ५२ विद्यार्थीलाई अध्ययन सामग्री वितरण गरिएको छ।

विद्यालयका पूर्व विद्यार्थी तथा हाल अष्ट्रेलिया निवासी पत्रकार विकास पौडेल ‘उदास’ को सहयोगमा गरिएको यो वितरण कार्यक्रम विद्यालय व्यवस्थापन समितिका अध्यक्ष खेमबहादुर गुरुङको सभापतित्वमा सम्पन्न भएको थियो ।  

कार्यक्रमका प्रमुख अतिथि स्वयं सहयोगदाता पौडेलले विद्यार्थीहरूलाई अध्ययनशील, इमानदार र लक्ष्यप्रति दृढ रहन प्रेरणा दिँदै “शिक्षा नै जीवन परिवर्तनको माध्यम हो” भन्दै आगामी दिनमा पनि निरन्तर सहयोग गर्ने प्रतिबद्धता व्यक्त गरे।

विद्यालयकी प्रधानाध्यापक शान्ति अधिकारीले पौडेलको निरन्तर सहयोगप्रति आभार व्यक्त गर्दै स्वागत मन्तव्य राखेकी थिइन्। कार्यक्रमको सञ्चालन शिक्षक सन्तोष कोइरालाले गरेका थिए।

कार्यक्रममा शिक्षक, विद्यार्थी, अभिभावक र स्थानीय समाजसेवीहरूको उल्लेखनीय उपस्थिति रहेको थियो। विद्यालयले पौडेललाई विद्यालयको शैक्षिक तथा सामाजिक उत्थानमा पु–याएको योगदानको कदरस्वरूप प्रशंसा पत्र प्रदान गरेको थियो।

विद्यालय व्यवस्थापन समिति र शिक्षक–कर्मचारीहरूले पौडेलले विगतमा पनि विद्यालयको पूर्वाधार विकास र शिक्षण सामग्री वितरणमा पु–याएको योगदानको स्मरण गर्दै धन्यवाद व्यक्त गरेका थिए।पौडेल अष्ट्रेलियामा  छरिएर   रहेका          पत्रकारहरुको सस्था  अष्ट्रेलियन  नेपलिज  जर्नलिस्ट    एसोसियसन (एन्जा ) को  सदस्य   पनि   हुन ।