संघिय चुनावमा बिनोदलाई जिताउने सुनौलो मौका नगुमाऔ 

अष्ट्रेलियाले आफ्नो बढ्दो दक्षिण पश्चिमको चुनाबी क्षेत्र मकार्थरमा यो पटक पनि नेपाली मुलका विनोद पौडेल उम्मेदवार बनेका छन् । लिबरल पार्टीबाट चुनाबी प्रतिस्पर्धामा उत्रिएका पौडेल यस अघिको चुनाबमा पनि सोहि पार्टीबाट उम्मेदवार बनेका थिए । बहुसास्कृतिक मुलुक अष्ट्रेलियामा नेपालीहरुको आगमन करिव आधा शताब्दी भै सकेको छ । सन् २००० पछि त अध्ययन ,रोजगारी र ब्यबसायको लागि अष्ट्रेलिया आउने नेपालीहरुको संख्यामा उल्लेख्य वृद्धि भएको छ । 

हाल अष्ट्रेलियामा करिव दुई लाखभन्दा बढीको संख्यामा नेपालीहरुको बसोबास रहेको अनुमान गरिन्छ । उसो त नेपालीको लागि पठन पाठनको पहिलो गन्तब्य मुलुक बनिरहेको अष्ट्रेलियामा अन्तराष्ट्रिय बिद्यार्थीको कुल संख्यामा नेपाल तेस्रो स्थानमा रहेको छ । यसबाट पनि के प्रस्ट हुन्छ भने यहाँ नेपालीहरुको संख्या बढ्ने क्रम तिब्र रहदै आएको छ । अष्ट्रेलियाको न्यु साउथ वेल्स राज्यमा करिव एकलाख नेपालीहरुको (अष्ट्रेलियन सिटिजनसीप लिएका सहित )  बसोबास गरेको यहाँको नेपाली संघ सस्थाहरुले बताउदै आएका छन् । नेपालीहरुको संख्या बढेसंगै यहाँको स्थानिय सरकार मात्र होइन केन्द्रिय राजनीतिमा प्रभुत्व जमाउने राजनैतिक दलले समेत यहाँको नेपाली समाजप्रति हेर्ने द्रिस्टिकोणमा परिबर्तन आएको पाइन्छ । नेपाली समुदायले गर्ने कार्यक्रममा सहभागी भएर हुन्छा कि नेपाली चाड पर्व र महोत्सवमा आफ्नो एक्यबद्दता जनाएर हुन्छ कसरि नेपाली मुलका नागरिकको मन जित्न सकिन्छ भन्नेतर्फ यहाँका पार्टीहरुको ध्यान जान थाल्नु बास्तवमै यहाँको नेपाली समुदायको लागि गर्वको बिषय हो । 

काउन्सिलमा अवसर दिएर होओस् कि संघीय संसदको निर्वाचनको प्रतिस्पर्धामा नेपालीमुलका व्यक्तिलाई उम्मेदवारको रुपमा बिस्वास गरेर चुनाबी मैदानमा उतारेको होओस् यी गतिविधिहरुले अष्ट्रेलियामा यहाँको नेपाली समुदायको आवाजलाई स्थानिय र केन्द्रिय राज्यले बिस्तारै सुन्न र बुझ्न थालेको छ । यसको ज्वलन्त उदाहरण बनेका छन् बिनोद पौडेल । नेपाली मुलका बिनोद यहाँको नेपाली समुदायमा सु परिचित नाम हो । यहाँको नेपाली समाजको हरेक गतिविधिमा आफुलाई सधै अग्रपंतिमा उभ्याउदै आएका पौडेललाई यहाँको लिबरल पार्टीले म्याकार्थर क्षेत्रको संघीय संसदको उम्मेदवार बनाएको छ । सिड्नीको दक्षिण पश्चिम क्षेत्रमा म्याकार्थर क्षेत्र नयाँ मात्र नभएर आप्रबासीहरुको बाहुल्य रहेको क्षेत्र हो । यो क्षेत्रमा नेपाली समुदायको बाक्लो मात्रै होइन बलियो पकड रहेको बिस्वास र भरोसा लिएर लिबरल पार्टीले बिनोदलाई दोश्रो पटक उम्मेदवार बनाएको छ । त्यस भेगमा रहेका मतदाताहरुले विनोदलाई मत दिएर यहाँको ठुलो राजनैतिक दलले नेपाली समुदाय प्रति देखाएको चासो ,गरेको भरोसा र बिस्वासलाई अझ बलियो बनाउन सक्नु पर्छ । यो उम्मेदवारी लिबरल र विनोदको मात्रै होइन यो उम्मेदवारी त आप्रवासी समुदाय र यहाँको नेपाली समुदायको पनि हो। त्यसैले  राजनैतिक विचारधाराको रुपमा हामि जुन कित्तामा रहे पनि यसपटकको चुनावमा आप्रबासीको कित्तामा ,नेपाली समुदायको कित्तामा उभिएर आफ्नो मताधिकारको उपयोग गरौ । 
समुदायको समस्या अनि पिरमर्कासँग राम्ररी परिचित र ति समस्या समाधानका उपायका बारेमा गहिरो दक्खल राख्ने बिनोदलाई निर्बाचित गर्न सकियो भने यहाँ को नेपाली समुदायले हाल भोग्दै आएका धेरै समस्याका पोकाहरुको निधान हुने निश्चित छ । त्यसैले पनि तपाई हामी जुन वर्ग समुदाय र जुन राजनैतिक कित्तामा भएपनि  विनोदको पक्षमा खुलेर साथ र सहयोग गरौ । उनि निर्बाचित भए पछि हाम्रा आवाज र मागहरुले सिधै राजधानी क्यानबेरामा रहेको संसद भवन गुञ्जायमान हुनेछ । यो हाम्रो लागि सुनौलो मौका हो । यो मौकालाई चुकाएर भोली पछुताउनुपर्ने अवस्था नेपाली समुदायमा नआओस् । 
अष्ट्रेलियामा बामे सर्दै गरेको नेपाली समुदायमा गर्नुपर्ने धेरै कामहरु छन् ।  ति कामहरुलाई परिणाममुखी बनाउन हामीले स्थानिय तहदेखि केन्द्रिय तहसम्म हाम्रो आवाज पुर्याउनुपर्ने हुन्छ । यदि हामीले विनोदलाई जितायौ भने हाम्रो आवाजलाई संसद र सरकारसम्म पुर्याउन सहज बन्ने मात्रै होइन प्रभावकारी पनि बन्ने छ । त्यसैले यहि मे ३ शनिवार हुने संघिय चुनावमा  म्याकार्थर क्षेत्रबाट चुनाबी मैदानमा उत्रिएका विनोदलाई भोट हालौ ।  हाम्रो माग समस्या र आवाजलाई संसद र सरकारसम्म पुर्याऔ ।