सिड्नीमा भेट्रान भलिबल प्रतियोगिता हुदै 

सुवान चौलागाई 
सिड्नी । अष्ट्रेलियामा रहेका धादिङगेहरुको साझा संस्था धादिङ्ग अष्ट्रेलिया समाज र नर्थवेस्ट नेप्लिज कम्युनिटी सिड्नीले संयुक्त रुपमा आउँदो १५ डिसेम्बरका दिन भेट्रान भलिबल प्रतियोगिताको आयोजना गर्ने भएका छन् ।
नेपाल न्यूज अष्ट्रेलियासंग कुरागर्दै धादिङ अष्ट्रेलिया समाजका अध्यक्ष अर्जुन केसीले आफ्नो स्तापना कालदेखि नै विभिन्न सामाजिक तथा कल्याणकारी कार्य गर्दै आएको धादिङ्ग अष्ट्रेलिया समाजले आफ्नो नियमित कार्यक्रमको रुपमा खेलकुद प्रतियोगितालाई निरन्तरता दिदै आएको बताए । उनका अनुसार यस पटकको प्रतियोगितामा ३५ वर्षा माथिको ( १५ डिसेम्बर १९८९ भन्दा अगाडी जन्मिएका ) उमेर समुहका १० टिमले भाग लिने छन् । प्रतियोगितामा प्रथम र द्वितीय स्थान प्राप्त गर्ने टिमलाई क्रमस  १२ सय डलर , ८ सय डलर नगद  पुरस्कार सहित ,ट्रफी र प्रमाणपत्र प्रदान गरिने छ । प्रतिस्पर्धा नकाउट सिस्टममा खेलिने छ । 

आयोजक सस्थाका अनुसार अष्ट्रेलियामा रहेका भलिबल प्रेमीहरु बीच मित्रबत खेल, भेटघाट र भाइचारा स्थापना गर्ने उदेश्यले यो मैत्रिपूर्ण “भेट्रान भलिबल प्रतियोगिता” हुन लागेको बताईएको छ  । एक दिवसीय सो  प्रतियोगिता  यहि डिसेम्बर १५ तारिख आईतवारका दिन सिड्नीको Stanhope Leisure Centre (Stanhope Pkwy &, Sentry Dr, Stanhope Gardens NSW 2768) मा बिहान आठ बजे देखि साँझ ५ बजे सम्म हुनेछ । 
प्रतियोगितालाई MARKQ HOMES ले टाइटल स्पोन्सरको रुपमा, SOLAR WORLD ले प्ल्यटिनियम एबम QUEENSFORD COLLEGE ले गोल्ड स्पोस्सरको रुपमा त्यसै गरि अन्य ब्यापारिक संघ संस्थाले स्पोन्सरको रुपमा सहयोग गरेका छन् ।