परोपकारी अभियानमा शेरचनको आब्हान , एकताबद्ध भएर जाऔं

परोपकारी अभियानमा बिवादै बिवाद अनि गुट र उपगुट अनि राजनितीक खिचातानी । अहिले गैर आवासिय नेपाली संघ अर्थात एनआरएनका बारेमा हुने टिपर्णीहरु । कुनै दिन पनि थिए जब एनआरएनले नेपालमा कार्यक्रम गर्दथ्यो, शान र मान अनि सम्मानको बहारनै आउथ्यो । एनआरएन नेपालमा पुग्दैगर्दा सबैको ध्यान आकर्षित हुन्थ्यो, अखबार टेलिभिजनमा ठुला ठुला अन्तवार्ता आउथे । अनि बिदेशमा बस्नेको उत्सुकता र नेपाल पुग्नेको सहभागिता गर्बिलो बन्थ्यो । 
अहिले अवस्था फरक र अलग बनेको छ , एनआरएन भनेपछि नाकै खुम्च्याउने अनि मुखै बंगाउने । यो अवस्थाको सृजना गर्ने नेतृत्व या नेता आफैमा प्रश्न बिचारधिन छ । यस्तो अवस्थामा
पनि संस्थामा लाग्ने र अभियानमा जाग्नेहरुको कमी भने छैन । अदालत, दल र नेतृत्वको भुमरीमा रुमल्लीएको परोपकारी अभियान भित्र पनि केहि गरौ र सबैलाई एक पारौ भन्ने सोचमा 
केहि अभियन्ता लागिपरेका छन । 
पछिल्लो निर्वाचनमा जापानमा रहेर अतिथी सत्कार व्यबशायमा लागि परेका रोविन शेरचन एनआरएन अभियानको नेतृत्वमा होमिए । पहिलो पटकको नेतृत्वको दौडमै उपाध्यक्षमा पनि चुनिए। 
एनआरन अभियानमा जोडिएको लामै भएपनि नेतृत्वको होडमा पहिलो कार्यकाल शेरचनका लागि सोचे अनुरुप हुन सकेन । संसारभरका साथीभाई मार्फत चुनिए तर आफै भित्रको कंचिगलले सोचे अनुरुपको कार्य गर्न पाएनन । सेवा र सदभावका दृष्टीमा अभियानमा महत्वपुर्ण भुमिका निभाएपनि आफै भित्रको खिचातानी र बिवादमा रुमल्लीदै शेरचनले उपाध्यक्षको जिम्मेबारीलाई निभाएकै छन । तर उनले सोचेको र खोजेको परोपकारी अभियानलाई निरन्तरता दिने कुरामा भने उनि सन्तुष्ट बन्न सकेनन । अहिले फेरी बिवादका बिच एनआरएनको निर्वाचनको तिथिमिती सार्वजनिक भैसकेको छ । यसै बिच पनि एकता खोज्ने र परोपकार रोज्ने अभियन्ताहरुको एक हुल नेतृत्वमा जान तम्तयार देखिएका छन । यसै अभियानका एक अभियन्ता हुन रोविन शेरचन ।
। मुलुकका लागि केहि गर्नु पर्छ र यो परापकारी अभियानलाई पुन जागृत गर्नु पर्छ भन्ने सोचका साथ हिजो म एनआरएनमा उमेदबार बनेको थिए र फेरी पनि अध्यक्षको दाबेदारका रुपमा  पस्तुत हुने सोचमा रहेको छु, उपाध्यक्ष रोविनले बताए । यो मेरो मातृभुमीप्रतीको लगाव र संसारभर छरिएर रहेका नेपालीलाई एउटै छाता मुनी एकताबद्ध गर्ने सोचको परिणाम पनि हो ।
हिजो के भयो , किन बिवादित बन्न पुग्यो, गल्ती कसको भन्नेतिर औला सोझयाउन थालियो भने यो बिवाद कहिले समाधान हुदैन, सबै कुरा बिर्सेर आउनुहोस एक भएर अगाडि बढौ भन्ने नया सोचका साथ मेरो दाबेदारी हुनेछ , शेरचन भन्छन । 
मुद्दा अदालतमा बिचाराधिन भएतापनि हाम्रा आवाजहरु कसैले रोक्न र छेक्न सक्दैन। हाम्रा कयैन मुद्दाहरु थाती छन, नागरिकताको टुंगो लाग्न सकेको छैन,लगानीका बिषयमा अप्ठायाराहरु कायमै छन,नागरिकता पाएर पनि भिषा लिनुपर्ने अवस्था छ अनि लगानीका कयैन संभावनाहरुका ढोका खोल्नु छ । हामी आफैमा मेरो र तेरो भनेर धारे हात लगाएर हिडेका छौ, यो अहिलेको बिडम्बना हो।मेरो सबै साथीहरुलाई एउटा प्रश्न छ, परोपकारी अभियानमा के का लागि बैमनष्यता । हिजो म एनआरएनमा नहुँदा पनि जन्मेको गाउँ र हुर्केको ठाउँ संझेर कयौ सहयोग गरिरहेको थिए । 
त्यती बेला मलाइ पद चाहिएको थिएन तर अहिले साथी भाइहरुको सल्लाह र सुझाब मानेर उपाध्यक्षमा आए, अभियानमा जुटिरहेको छु । मेरो एउटै आग्रह छ स्वार्थ र राजनिती छाडेर यो बिशुद्ध मुलुकसँग जोडने र जोडिने महाअभियानमा सबै लागौं, रोविनले  भने ।