अस्टेलियामा नेपाली जनसंख्या दोब्बर भन्दा बढीले बृद्धि


  • June 29, 2022


अस्टेलियामा नेपाली जनसंख्या दोब्बर भन्दा बढीले बृद्धि

सिड्नी । अष्ट्रेलियामा सन् २०२१ मा सम्पन्न राष्ट्रिय जनगणनाको आंशिक तथ्यांक अनुसार नेपाल उद्गम भएर अष्ट्रेलियामा बसोबास गर्नेको संख्या १ लाख २२ हजार ५ सय ६ जना रहेको छ । सोमबार राति सार्वजनिक भएको तथ्याङ्क अनुसार घरमा अंग्रेजीपछि नेपाली भाषा बोलिनेको संख्या १ लाख ३३ हजार ६८ रहेको छ । अष्ट्रेलियामा नेपालीको जनसंख्या दोब्बर भन्दा बढीले वृद्धि भएसंगै राजधानी क्यानवेरा र तास्मनिया राज्यमा नेपाली भाषा अंग्रेजीपछि बोलिने भाषाहरुमा दोस्रो स्थानमा परेको छ । अष्ट्रेलियामा पहिलो पटक ५० प्रतिशतभन्दा बढी बासिन्दा विदेशमा जन्मेका वा आप्रवासी रहेको तथ्याङ्क सार्वजनिक भएको छ । जसमध्ये अधिकांश न्यु साउथ वेल्समा रहेका छन्। यहां ६८ हजार १ सय ४८ जना नेपाली रहेको तथ्याङ्क सार्वजनिक भएको छ ।
सन् २०१७ बाट १ मिलियन भन्दा बढी नया बासिन्दा थपिएको तथ्याङ्क सार्वजनिक भएको छ। सन् २०१६ र २०२१ को जनगणनाको बीचमा अस्ट्रेलियाको कुल जनसंख्या २२.२ मिलियन अर्थात ८.६ प्रतिशतले वृद्धि भएको २५.५ मिलियन पुगेको छ । सन् २०१६ को जनगणना र २०२१ को जनगणनाको बीचमा भारतमा जन्मेका करिब २ लाख २० हजार हजार मानिसहरू अष्ट्रेलियाबासी भएका छन ्। यस्तै पछिल्लो पाच वर्षमा अष्ट्रेलियाबासी भएको दोस्रो ठूलो संख्या नेपालीको छ ।
पछिल्लो जनगणना अनुसार भारतले चीन र न्यूजील्याण्डलाई पछि पार्दै आफ्नो संख्या बढाएको छ । अष्ट्रेलियामा बसोबास गर्ने आप्रवासीमध्ये भारतीयहरू सबैभन्दा बढी छन् । जसमा भारतियहरु ६ लाख ८४ हजार रहेका छन् । जुन जनसंख्याको २ दशमलब ७ प्रतिशत हो । सन् २०१६ को जनगणना र २०२१ को जनगणनाको बीचमा भारतमा जन्मेका करिब २ लाख २० हजार हजार मानिसहरू अष्ट्रेलियाबासी भएका छन ्। यस्तै पछिल्लो पाच वर्षमा अष्ट्रेलियाबासी भएको दोस्रो ठूलो संख्या नेपालीको छ ।

अस्ट्रेलियन ब्यूरो अफ स्ट्याटिस्टिक्स रिपोर्ट अनुसार अष्ट्रेलियाका मानिसमध्ये ३३ प्रतिशतको पुर्खा ब्रिटिस र २९ दशमलब ९ प्रतिशत अष्ट्रेलियन भएको तथ्य सार्वजनिक भएको छ। त्यस्तै अष्ट्रेलियाका जनसंख्याको ९.५ प्रतिशत आइरिस, ८.६ प्रतिशत स्काटिस र ५.५ प्रतिशत चाइनिज पुर्खा भएको समेत भेटिएको छ।
करिब ५.५ मिलियन अष्ट्रेलियालीहरू पाँचमध्ये एक भन्दा बढी घरमा अंग्रेजीबाहेक अन्य भाषा बोल्छन्।

अष्ट्रेलियामा अंग्रेजीपछि सबैभन्दा धेरै बोलिने भाषामा चिनियाँ म्यान्डरिन (२.७ प्रतिशत), दोस्रो अरबिक (१.४ प्रतिशत) र तेस्रोमा भियतनामिज (१.३ प्रतिशत) छन्। अष्ट्रेलियामा धर्म नमान्नेहरुको संख्या सबैभन्दा धेरै अर्थात ३८.९ प्रतिशत देखिएको छ। त्यस्तै क्याथोलिक २० प्रतिशत, एङलिक्यान ९.८, इस्लाम ३.२ र हिन्दु २.७ प्रतिशत रहेको छ ।


NEPAL NEWS Team
356 views

सम्बन्धित समाचारहरु