महानगरपालिकाले वैशाखदेखि फोहोरबाट ग्यास निकाल्ने


  • January 21, 2016


महानगरपालिकाले वैशाखदेखि फोहोरबाट ग्यास निकाल्ने

काठमाडौं । भारतीय नाकाबन्दीले खाना पकाउने ग्यासको चर्को अभाव भइरहेको बेला काठमाडौं महानगरपालिकाले वैशाखदेखि राजधानीमा फोहोरमैलाबाट ग्यास उत्पादन गर्ने भएको छ । महानगरका अनुसार राजधानीको फोहोरबाट दैनिक ९६ किलो ग्यास उत्पादन हुनेछ । यो ग्यास वडा नम्बर १२ को लगन र ब्रह्मटोल र १९ को कंकेश्वर र दमैटोलका दुई सय ४० घरपरिवारलाई बाँडिने छ । टेकु ट्रान्सफर स्टेसन क्षेत्रमा दैनिक तीन सय मेट्रिकटन जैविक फोहोर मिथानेसन गर्न सक्ने क्षमताको पूर्ण क्रियाशिल उपकरण राखिनेछ । स्टेसनबाट दैनिक दुई सय ४० परिवारलाई पुग्नेगरी ग्यास उत्पादन हुने ‘वेस्ट टु इनर्जी’ परियोजनाका प्रबन्धक प्रकाशचन्द्र झाले जानकारी दिए । कारोबार दैनिकमा समाचार छ ।


NEPAL NEWS Team
260 views

सम्बन्धित समाचारहरु