Saturday, June 15, 2024

गुटबन्दीको जालोमा तीन सुरक्षा निकाय


  • December 30, 2015


गुटबन्दीको जालोमा तीन सुरक्षा निकाय

काठमाडौं । गृह मन्त्रालयअन्तर्गतका तीनवटै सुरक्षा निकायको नेतृत्वमा गुटबन्दी र टकराव बढ्दा शान्तिसुरक्षामै असर देखिन थालेको छ । आइजिपीको आदेश मातहतका प्रहरीले नमान्ने र आइजिपीले पनि सबैलाई समेटेर लैजान नसक्दा सुरक्षा निकायमा समस्या बढ्दै गएको छ ।

नेपाल प्रहरी, सशस्त्र प्रहरी र राष्ट्रिय अनुसन्धान विभाग तीन निकायको नेतृत्वमा असमझादारी देखिएको छ । जुन समस्याले अप्रत्यक्ष रुपमा देशको सुरक्षा अवस्थामै असर पुर्‍याएको छ । नेपाल प्रहरीमा संगठनको आइजिपीविरुद्ध बोलेकोमा तीन साताअघि प्रहरी महानिरीक्षक उपेन्द्रकान्त अर्यालले एआईजी राजेन्द्रसिंह भण्डारीलाई स्पष्टिकरण सोधेका थिए ।

एकेडेमीमा कार्यरत रहँदा भण्डारीले सञ्चारमाध्यममा आइजीपीविरुद्ध बोलेको भन्दै कारबाहीको चेतावनीसहित स्पष्टिकरण सोधिएको थियो । जसमा एआईजी भण्डारीले आफूले आइजिपीविरुद्ध नबोलेको लिखित प्रष्टिकरण दिइसकेका छन् । अर्का एआइजी सुरेन्द्रबहादुर शाहसँग पनि आइजिपीको सम्बन्ध राम्रो छैन । एआइजीहरुको खुट्टा तान्ने प्रवृति र असहयोगका कारण आइजिपी अर्याल दिक्क भइसकेका छन् । नयाँ पत्रिका दैनिकमा समाचार छ ।


NEPAL NEWS Team
256 views

सम्बन्धित समाचारहरु