Wednesday, June 12, 2024

सभासद्ले नै पाएनन् संविधान


  • September 26, 2015


सभासद्ले नै पाएनन् संविधान

काठमाडौं । संविधान जारी भएको ६ दिन बितिसकेको छ । तर, आफैँले हस्ताक्षर गरेर बनाएको संविधानको एक प्रति नपाएर सभासद्हरू संविधानसभा सचिवालयमा भौँतारिरहेका छन् । राष्ट्रपति डा. रामवरण यादवले संविधान जारी भएको घोषणा गरेलगत्तै ३ असोजमा संविधानसभा सचिवालयले सबै पाहुना र सभासद्लाई एक–एक प्रति संविधान उपलब्ध गराउने जनाएको थियो । तर, ६ दिन बितिसक्दा पनि आफैँले बनाएको संविधान हात नपरेपछि केही सभासद् दैनिक एकपटक सचिवालय पुग्ने गरेका छन् । करिब २२ सभासद्ले संविधानको प्रति नपाएको गुनासो गरेको सचिवालयका कर्मचारीको भनाइ छ । सभासद्हरू जानकी साउद, दुलारी हरिजन, जनक बुढा, दिलमाया धामी, सिर्जना तरामो, जेबी टुहुरे, मोहन टुडू, महेन्द्र शाही, श्याम श्रेष्ठ (रामेछाप), गोमा कुँवर, मानपुरा चौधरी, केसरी घर्ती, हरि ज्ञवाली, राधिका तामाङ, राममाया बोगटी, टेकबहादुर बस्नेत, लालबहादुर गुरुङलगायतले राजपत्रमा प्रकाशित संविधान नपाएको गुनासो गरेका हुन् । संविधान लिन पुग्ने सभासद्हरूले संविधानसभा सचिवालयको आन्तरिक शाखादेखि महासचिव मनोहरप्रसाद भट्टराईसमेतलाई भेटेर असन्तुष्टि पोखेका छन् । राजपत्रमा प्रकाशित संविधान हात पार्न नसक्ने सभासद् संख्या धेरै रहेको सभासद् जानकी साउदले बताइन् । साउदले संविधान माग्दा आफूलाई रित्तोहात फर्काइएको गुनासोसमेत गरिन् । नयाँ पत्रिका दैनिकमा समाचार छ ।


NEPAL NEWS Team
292 views

सम्बन्धित समाचारहरु