भुकम्पले भत्केका राजधानीका २१ स्थानमा सडक अवरुद्ध, २७ सडकमा अझै सवारी चलेन


  • July 17, 2015


भुकम्पले भत्केका राजधानीका २१ स्थानमा सडक अवरुद्ध, २७ सडकमा अझै सवारी चलेन

काठमाडौ । विकाशकारी भूकम्पका कारण राजधानीका २७ वटा सडक अवरुद्ध भएका छन् । ढल, पीच, खानेपानीको पाइप विस्तारका क्रममा थप १४ वटा सडक सञ्चालन हुन नसक्दा राजधानीको सवारी आवतजावत जटिल बन्दै गएको छ । २७ वटा सडकमा घर भत्किएर आवतजावत गर्न नमिल्ने भएपछि सवारीसाधान सञ्चालनमा रोक लगाइएको छ भने १४ वटा सडकमा बाटो विस्तारको कामले गर्दा सवारीसाधन सञ्चालन हुन सकेका छैनन् । आर्थिक वर्षको अन्त्यमा बजेट सिध्याउनका लागि राजधानीका सडकहरुमा धमाधम पिच गर्ने, ढल हाल्ने र खानेपानीको पाइप विस्तार गर्ने क्रम चलिरहेको छ । भूकम्पले घरहरु चर्किएका कारण कालीमाटीको हानगोलाचोकदेखि पूर्वतर्फ जाने पूर्वतर्फ जाने, भगवानपाउको भिमेलोहबाट डल्लु पुल जाने, गोंगबुबाट बाँनियाटार जाने बाटोमा कुनै पनि सवारीसाधन चल्न सकेका छैनन् । भूकम्पका कारण चर्किएर घरहरुमा टेको लगाएर अड्याएर राखिएको छ । बसन्तपुर दरबार र आसपासका मन्दिरहरु भत्किएका कारण खुला रहेको स्थानमा पुरातात्विक सामानहरु राखिएको छ, जसले गर्दा सवारी साधन सञ्चालन हुन सकेको छैन ।


NEPAL NEWS Team
358 views

सम्बन्धित समाचारहरु