Saturday, August 13, 2022

प्राक्टिकल नम्बर हराउँदा मुस्ताङको एसएलसी नजिता आएन्


  • June 20, 2015


प्राक्टिकल नम्बर हराउँदा मुस्ताङको  एसएलसी नजिता आएन्

मुस्ताङ । प्राक्टिकल नम्बर हराउँदा हिमाली मुस्ताङको प्रवेशिका परीक्षाको नतिजा आउन सकेको छैन । जिल्ला शिक्षा कार्यालयले पठाएको प्राक्टिकलको नम्बर परीक्षा नियन्त्रण कार्यालयको लापरबाहीका कारण हराउँदा जिल्लाको परीक्षाको नतिजा शून्य भएको हो । जिल्लाभरकै नतिजा नआएपछि यहाँका विद्यार्थी र अभिभावक आक्रोशित भएका छन् । उनीहरूले शुक्रबारै केही समय जिल्ला शिक्षा कार्यालयमा घेराउ गरेका थिए । एकमात्र परीक्षा केन्द्र रहेको जिल्लाबाट ११७ विद्यार्थी सहभागी भएका थिए । त्यसमा एकजना मात्रै एक्जेम्टेडतर्फका रहेको जिल्ला शिक्षा कार्यालय मुस्ताङले जनाएको छ । जिल्ला शिक्षा कार्यालयले आफूहरूको भविश्यमाथि खेलवाड गरेको भन्दै अभिभावक निरज थकालीले भने, ‘जिल्लाकै नतिजा नआउनु दुःखद् हो, यो गल्तीलाई तत्काल सच्याउन हामीले माग गरेका छौँ, । हुँदैन भने हामी कहाँ पुग्नुपर्छ पुग्छौँ ।’ जिल्लामा सात सामुदायिक र एक निजी विद्यालय गरी आठ विद्यालयबाट विद्यार्थी प्रवेशिका परीक्षामा सहभागी भएका थिए । जिल्ला शिक्षा अधिकारी केशरीरमण न्यौपानेले आफूहरूले उक्त नम्बर पठाएपनि केन्द्रबाट प्रक्रियामा नगएको बताए । ‘हामीले पठाएको एक्जेम्टेडतर्फको विद्यार्थी नतिजा आएको छ, हामीले यसमा कुनै कमजोरी गरेका छैनौं, जिशिअ न्यौपानेले भने, ‘यस विषयमा परीक्षा नियन्त्रण कार्यालयमा कुराकानी भएको छ, आइतबार सबै सच्चिएर आउँछ ।’


16 views

सम्बन्धित समाचारहरु