संविधानका विवदीत बिषयमा सुझाव माग्न सर्वदलीय बैठक


  • June 6, 2015


संविधानका विवदीत बिषयमा सुझाव माग्न सर्वदलीय बैठक

काठमाडौं । प्रमुख चार दलले संविधानका विवादित विषयमा सुझाव लिन शनिबार संविधानसभामा रहेका दलहरुको बैठक बोलाएका छन् । शनिबार विहान बालुवाटारमा ९ बजे बोलाइएको बैठकको समन्वय सरकारले गर्ने बताइएको छ । प्रधानमन्त्री निवास बालुवाटारमा बसेको चार दलका शीर्ष चार नेताको बैठकले सबै दलको सुझाव लिएर सहमतिको प्रस्ताव तयार पार्ने सहमति गरेका हुन् । संघीयतामा चार दलबीच ६ वा ८ प्रदेशको विकल्पमाथि छलफल भइरहेको छ । माओवादीले भौगोलिक पहिचानसहितको ८ प्रदेशको प्रस्ताव अघि सारेको छ । कांग्रेस र एमालेले भने नामांकन प्रदेशसभाले गर्ने र सीमांकन आयोगले गर्ने गरी ६ प्रदेश बनाउनु पर्ने अडान लिँदै आएका छन् । चार दलले संविधानसभाको २५ गतेको बैठक बस्नु अघि नै सहमति गर्ने प्रतिवद्धता जनाएका छन् ।


NEPAL NEWS Team
265 views

सम्बन्धित समाचारहरु