Thursday, July 11, 2024

विपत व्यवस्थापनाका दलिय संयन्त्र बनाउन मन्त्रीपरिषद बैठक


  • May 21, 2015


विपत व्यवस्थापनाका दलिय संयन्त्र बनाउन मन्त्रीपरिषद बैठक

काठमाडौं । व्यवस्थापिका संसद्को राष्ट्रिय विपद् व्यवस्थापन, अनुगमन तथा निर्देशन विशेष समितिको निर्देशन बमोजिम भूकम्प पीडितलाई राहात, उद्धार र पुननिर्माणका विषयमा योजना बनाउन दलहरुको साझा संयन्त्र बन्ने भएको छ । केन्ददेखि जिल्लासम्म सबै दलका नेताहरुको संयन्त्र बनाउन छलफल हुँदैछ । व्यवस्थापिका संसद्को राष्ट्रिय विपद् व्यवस्थापन, अनुगमन तथा निर्देशन विशेष समितिले सात दिनभित्र सर्वदलीय संयन्त्र गठन गर्न निर्देशन दिएको थियो । भुकम्प प्रभावितलाई राहत, पुनःस्थापना र पुनःनिर्माणका कार्यक्रमलाई प्रभावकारी बनाउन सरकारले प्रतिबद्धता गरेअनुसार केन्द्र र जिल्लास्तरमा संयन्त्र गठन गरी जानकारी गराउने लगायत पाँचबुँदे निर्देशन दिएको छ । आज मन्त्रिपरिषदले समितिले दिएको निर्देशनका विषयमा छलफल गर्दैछ । छलफल गर्न बिहान १० बजे मन्त्रिपरिषदको बैठक बोलाइएको छ । विपद् व्यबस्थापानका विषयमा विभिन्न मन्त्रालयमा भइरहेका कामलाई एउटै बाटोबाट बाहिर सार्वजनिक गर्ने विषयमा पनि आजको मन्त्रिपरिषद् बैठकमा छलफल हुनेछ । सूचना तथा सञ्चारमन्त्री मिनेन्द्र रिजालले बैठक विद् ब्यवस्थापनमा नै केन्द्रित हुने बताए । सरकारले संकटग्रस्थ भनेर घोषणा गरेका १४ जिल्लाबाहेक अन्य प्रभावित जिल्लाका विषयमा पनि छलफल हुनेछ ।


NEPAL NEWS Team
299 views

सम्बन्धित समाचारहरु