दक्षिण झापामा डाकाको आक्रमण, पूर्व हवल्दारको मृत्यु, एक लाख पैसा र १० तोला सुन लुटियो


  • April 13, 2015


दक्षिण झापामा डाकाको आक्रमण, पूर्व हवल्दारको मृत्यु, एक लाख पैसा र १० तोला सुन लुटियो

झापा । दक्षिण झापाको पृथ्वीनगरमा आइतबार मध्यरातमा डाका आक्रमणमा परेर एक जना स्थानीयबासीको मृत्यु भएको छ । राति पौने एक बजे २० जनाभन्दा बढीको संख्यामा आएको डाका समूहले गोली प्रहार गर्दा पृथ्वीनगर ८ निवासी ५० वर्षीय देवकुमार श्रेष्ठको मृत्यु भएको हो । पूर्व प्रहरी हवल्दार श्रेष्ठको घरमा प्रवेश गरेको डाका समूहले उनलाई गोली हानेपछि लुटपाट गरेको थियो । उनका परिवारका अन्य सदस्यमाथि पनि कुटपिट भएको जिल्ला प्रहरीले जनाएको छ । जिल्ला प्रहरीका प्रवक्ता डिएसपी विश्वमणि पोखरेलका अनुसार किराना पसल चलाउँदै आएका श्रेष्ठको घरबाट १ लाख ८० हजार नगद र १० तोला सुन लुटेका छन् । डाका समूहले गाउँमा हवाइ फायर र बमसमेत विष्फोट गराएका छन् । गाउँमा आतंक छाएको छ । प्रहरीले घटनामा संलग्न भएको शंकामा केहीलाई नियन्त्रणमा लिएको जनाएको छ ।


NEPAL NEWS Team
197 views

सम्बन्धित समाचारहरु