Wednesday, June 12, 2024

गिरिजाबाबुका विरोधी हावी हुँदा समस्या : दाहाल


  • March 21, 2015


गिरिजाबाबुका विरोधी हावी हुँदा समस्या : दाहाल

सर्लाही । एमाओवादीका अध्यक्ष पुष्पकमल दाहालले गिरिजाप्रसाद कोइरालाका विरोधिहरु राजनीतिमा हावी भएका कारण संविधान लेखन कार्य अन्यौलमा परेको बताएका छन् । ‘शान्ति सम्झौता, मधेस आन्दोलन र अन्य सम्झौतामा कोइरालाले हस्ताक्षर गर्दा काँग्रेस र एमालेबाट बिरोध गर्ने नेता बलियो भएका छन,’ दाहालले भने,‘ हस्ताक्षर गर्ने नेता कोइरालाको मृत्यु भयो भने साक्षी एमालेका नेता माधवकुमार नेपाल पार्टीमा कमजोर भएका छन् ।’ शान्ति सम्झौत र संघीयता विरोधी एमाले अध्यक्ष केपी ओली शक्तिमा रहेको र सम्झौताका सहयोगी एमाले नेता नेपाल कमजोर भएका कारण संविधान यात्रा जटिल बनेको उनको दाहालको भनाइ थियो । सर्लाहीको हरकठवामा पार्टीले आयोजना गरेको आमसभामा सहभागी शनिबार दाहाल सर्लाही आएका हुन । हेलिकप्टर चार्टर गरेर आएका दाहाल विभिन्न पार्टी परित्याग गरेका कार्याकर्तालाई एमाओवादीमा फुलमाला लगाएर प्रवेश गराएका छन् । सर्लाही क्षेत्र नं. ६ बाट गत संविधान सभाको चुनावमा सदभावना पार्टीबाट उम्मेदवार भएका फकिरा महतो सहितका कार्यकर्ता एमाओवादी प्रवेश गरेका हुन ।


NEPAL NEWS Team
392 views

सम्बन्धित समाचारहरु