Wednesday, June 19, 2024

क्रिकेटका कप्तान पारसले प्राप्तिसंग लगनगाँठो कसे


  • February 26, 2015


क्रिकेटका कप्तान पारसले प्राप्तिसंग लगनगाँठो कसे

काठमाडौं । नेपाली राष्ट्रिय क्रिकेट टोलीका कप्तान पारस खड्का बिहीबार वैवाहिक जीवनमा प्रवेश गरेका छन् । पारस र प्राप्ती राज्यलक्ष्मी राणाबीच बिहीबार होटल सांग्रिलामा विवाह भएको छ । विवाहका लागि पारस बुद्धनगरस्थित घरबाट जन्तीसहित होटल पुगेका थिए । विवाहमा नेपाली क्रिकेट टोलीका अधिकांश सदस्यहरु सहभागी भएका छन् । नेपाली टोलीका प्रशिक्षक पुवुदु दशानायके ढाका टोपीमा सजिएर जन्ती गएका थिए । होटल परिसरमा नै गोडा धुनेसहितका वैवाहिक विधिहरु गरिएको थियो । त्यसक्रममा बेहुला पारस र बेहुली प्राप्तीबीच बेला–बेला कानेखुसी चलिरह्यो । कप्तान पारस बेला–बला मन्द मुस्कान दिइरहेका थिए भने प्राप्तीले पनि उनलाई साथ दिइन् । यसअघि बुधबार स्वयंवर भएको थियो । लामो समयदेखि प्रेममा रहेका पारस र प्राप्तीबीच झण्डै तीन वर्ष अघि नै इन्गेजमेन्ट भएको थियो ।


NEPAL NEWS Team
254 views

सम्बन्धित समाचारहरु