चितवनमा चारजनालाई स्वाइन फ्लु


  • February 26, 2015


चितवनमा चारजनालाई स्वाइन फ्लु

रत्ननगर । छिमेकी मुलुक भारतमा स्वाइनफ्लुको माहामारी फैलिरहेका बेला सिमाना जोडिएको नेपालको चितवनमा चारजनामा स्वाइनफ्लुको संक्रमण भएको फेला परेको छ । चितवनस्थित भरतपुर अस्पतालबाट पठाएका नमुना परीक्षणमा चार जनामा स्वाइनफ्लु ‘इन्फुल्न्जा ए, एचवान एनवान’ को संक्रमण रहेको पुष्टि जिल्ला जनस्वास्थ्य कार्यालय चितवनले गरेको छ । माघ यता इपिडिमियोलोजी महाशाखा काठमाडौँमा पठाइएका ४३ वटा नमुना परीक्षणमा चारजनाका स्वाइनफ्लु रहेको पुष्टि भएको जनस्वास्थ्यका भेक्टर कन्ट्रोल निरीक्षक राम केसीले बताए । भरतपुर अस्पतालस्थित ल्यावमा रेपिट टेस्ट (नाकबाट लिइने परीक्षण) गर्दा पोजेटिभ पाइएका ४३ जनाको रिपोर्ट राष्ट्रिय जनस्वास्थ्य प्रयोग शाला टेकुमा पिसिआर परीक्षणका लागि पठाइएको थियो । चार जनामा ‘स्वाइन फ्लु’ भेटिएको रिपोर्ट जिल्ला जनस्वास्थ्य कार्यालयमा पठाइएको केसीले जानकारी दिए । ती बिरामीले केहीले औषधि सेवन गरिरहेका छन् भने एकजना निको भएर फर्केको अस्पतालले जानकारी दिएको छ । चितवनमा ‘स्वाइन फ्लु’ भित्रिएपछि जिल्ला जनस्वास्थ्य कार्यालयले रोकथामका लागि उच्च सतर्कता अपनाएको छ । भरतपुर अस्पतालमा स्वाइनफ्लुको कडा संक्रमण भएका व्यक्तिको उपचार गर्न भेन्टिलेटरसहितको छुट्टै वार्ड स्थापना गरिएको अस्पतालले जनाएको छ ।


NEPAL NEWS Team
219 views

सम्बन्धित समाचारहरु