रेडपान्डासहित दुईजना पक्राउ


  • February 24, 2015


रेडपान्डासहित दुईजना पक्राउ

जुम्ला । जिल्ला प्रहरी कार्यालय जुम्लाले मरेको रेडपान्डासहित दुईजनालाई पक्राउ गरेको छ । सदरमुकामदेखि करिब आठ किलोमिटर दूरीमा रहेको प्रहरी चौकी हाकुले सदरमुकामबाट नाग्मातिर जाँदै गरेको बसमा हिजो जाँच गर्ने क्रममा मरेको रेडपान्डासहित दुईजनालाई पक्राउ गरिएको हो । पक्राउ हुनेमा मालिकाठाटा गाविस–४ का ४० वर्षीय सार्की बोहोरा र दैलेख घर भई हाल जुम्ला चन्दननाथ नगरपालिका–७ मा कवाडी पसल गर्दै आएका ४६ वर्षीय रतबहादुर शाही रहेको प्रहरीले जनाएको छ । उनीहरुमाथि शंका लागेर झोला खानतलासी गर्दा मरेको रेडपान्डा भेटिएको प्रहरीले जनाएको छ । पक्राउ परेका दुवै जनालाई जिल्ला वन कार्यालय जुम्लामा बुझाइएको छ ।


NEPAL NEWS Team
196 views

सम्बन्धित समाचारहरु