दशदिनपछि वीरेन्द्र क्याम्पस खुल्यो, क्याम्पस प्रमुखको राजीनामा फिर्ता


  • February 6, 2015


दशदिनपछि वीरेन्द्र क्याम्पस खुल्यो, क्याम्पस प्रमुखको राजीनामा फिर्ता

रत्ननगर । दश दिनदेखि ठप्प बनेको चितवनको वीरेन्द्र बहुमुखी क्याम्पस आजबाट सञ्चालनमा आएको छ । विद्यार्थी संगठन र क्याम्पस प्रशासनबीचको विवादका कारण ठप्प बनेको क्याम्पस सहमतिपछि आजबाट सञ्चालनमा आएको क्याम्पस प्रशासनले जनाएको छ । वीरेन्द्र क्याम्पसमा नेपाल विद्यार्थी सङ्घले कारागारभित्रै आक्रमणमा परी मारिएका शिव पौडेलको स्मृतिमा सरस्वतीको मन्दिर बनाएपछि उत्पन्न विवादका कारण क्याम्पसका सबै गतिविधि बन्द भएको हो । बिहीबार भएको वार्ताले आजदेखि सबै क्रियाकलाप सञ्चालन गर्ने र क्याम्पस प्रमुखसहितले दिएको राजीनामा फिर्ता लिने सहमति भएको हो । विभिन्न व्यक्तिको नाममा जबर्जस्ती मूर्तिलगायत भौतिक संरचना बनाउने क्रम बढ्न थालेको भन्दै क्याम्पस प्रमुखसहित छ जनाले राजीनामा दिएका थिए । सरस्वती पूजाको दिनमा उक्त मन्दिर अज्ञात समूहले भत्काइदिएको थियो । त्यसपछि वीरेन्द्र बहुमुखी क्याम्पस नेविसंघ एकाइ समितिले क्याम्पस प्रशासनले मन्दिर भत्काएको भन्दै आन्दोलन सुरु गरेपछि १० दिनदेखि क्याम्पस बन्द हुन पुगेको हो ।


NEPAL NEWS Team
606 views

सम्बन्धित समाचारहरु